26.03.2021, 18:21
Қараулар: 206
ДЕПУТАТТАР СЕНАТ ПЕН МӘЖІЛІСКЕ ГИРШПРУНГ АУРУЫН ШЕТЕЛДЕ КВОТАМЕН ЕМДЕУ ТУРАЛЫ ХАТ ЖОЛДАДЫ

ДЕПУТАТТАР СЕНАТ ПЕН МӘЖІЛІСКЕ ГИРШПРУНГ АУРУЫН ШЕТЕЛДЕ КВОТАМЕН ЕМДЕУ ТУРАЛЫ ХАТ ЖОЛДАДЫ

Сырым аудандық мәслихатының жұмыс жоспарына сәйкес Қазақстан Республикасының Денсаулық сақтау саласын дамытудың 2020-2025 жылдарға арналған мемлекеттік бағдарламасының орындалуы туралы мәселе қаралды. Аудандық мәслихат хатшысы Шынар Дүйсенғалиеваның бастамасымен аудандық мәслихат депутаттары атынан Қазақстан Республикасының Парламент Сенатының депутаты Ләззат Рысбековаға және Парламент Мәжілісінің депутаты Снежанна Имашеваға гиршпрунг ауруымен ауыратын балаларға шет елдерде емделуге квота бөлу сұралған хат жолданды.
Хатта Сырым ауданында Есмагулова Айша Асылбекқызы мен Абай Нұрберген Ибрайұлына гиршпрунг ауруы диагнозы қойылғаны, бұл ауруды Қазақстанда емдеу қарастылмағаны, шет елде тегін емделу үшін медициналық көмек– квота бөлінбегені, қазіргі таңда Айша Есмагулованың Мәскеу қаласындағы «Морозовское ДГКБ-на тексерістен өтуіне қомақты қаржы қажеттігі, ауданның жұмылып Айшаға қол ұшын созып жатқандығы айтылып, мұндай диагнозбен ауыратын балалардың шет елде емделуіне республика көлемінде бюджеттен қаражат қарастыруға ұсыныс білдірілген.
Хатты алған Л. Рысбекова Үкімет отырысына жіберетінін, С.Имашева ханым да ұсынысты жоғарыға міндетті түрде жеткізетінін мәлімдепті.
Айта кетейік, Шынар Дүйсенғалиева – ауданда ана мен бала амандығы, отбасы құндылығы үшін өлшеусіз үлес қосып жүрген жандар қатарынан.
Шынар МОЛДАНИЯЗОВА